VOV4.Jarai-Ƀơi Hà Nội, Jơnum min Djuai ania hăng Khua anih jưh pơ ala dêh čar Ai Len ƀơi Việt Nam pơphun jơnum kĭ hră pơblih pơhrua dơ̆ng amăng hră pơkôl djru kơplah wah Kơnuk kơna Việt Nam hăng Ai Len, kiăng djru ba djop să tơnap tap tui hơdră dêh čar pơkă pơtrut pơđĭ kyar bơwih ƀong huă mơnuih mơnam kual mơnuih djuai ƀiă dŏ hăng kual čư̆ siăng mơ̆ng thun 2021-2030.

Pơhiăp amăng mông jơnum kĭ pơkôl, Khua ding jum, khua anom bruă Djuai ania ơi Hầu A Lềnh lăi: Amăng 15 thun rơgao, Kơnuk kơna Ai Len djru na nao kơ kual mơnuih ƀôn sang djuai ƀiă Việt Nam. Hơdôm rơnoh prăk djru jing rơnoh prăk yôm biă mă. Anai lĕ ƀu kơnong gơnam yua prong prin đôč ôh, jing tơlơi khăp pap mơ̆ng Kơnuk kơna hăng mơnuih ƀôn sang Ai Len pioh kơ Việt Nam hăng mơnuih ƀôn sang djop djuai ania ƀiă dŏ ƀơi anih tơnap tap hloh thun blan rơgao. Rơnoh prăk mơ̆ng Kơnuk kơna Ai Len hơmâo djru hrom pơsir lui rơmŏn kŏn rin ƀơi Việt Nam.

Nay Jek: Pơblang