VOV4.Jarai - Khua ding jum bruă mă, tơhan rơka hăng mơnuih mơnam Đào Ngọc Dung kĭ hră pơsit kơ bruă akŏ pơjing 12 grup pel ĕp kơ bruă djru mơnuih mă bruă hăng anom bơwih ƀong sĭ mơdrô, sang măi bưp tơnap tap yua klin Covid-19 ngă. Hơdôm grup pel ĕp amra pel ĕp bruă djru, boh than ba glăi hăng pơtrut ngă tui hơdôm tơlơi pơsit mơng Kơnuk kơna hăng tơlơi pơsit mơng Khua dêh čar lơ̆m ngă tui hơdră pơhlôm tơlơi hơdip hăng djr brơi mơnuih mă bruă, anom bơwih ƀong sĭ mơdrô bưp tơnap tap yua klin Covid-19 ngă; thâo hlâo kơ bruă kơƀah mơnuih mă bruă amăng hơdôm anom bruă, gơnong bruă amăng hơdôm anom bơwih ƀong sĭ mơdrô, sang măi pơkra pơjing gơnam tam; rơkâo hơmâo hơdră hơkrŭ glăi, pơđĭ kyar bruă ĕp mơnuih mă bruă djơ̆ hăng tơlơi kiăng. Hrơi mông hơdôm grup anai hyu pel ĕp lĕ mơng lơ 21/10 truh abih lơ 3/11/2021.

Siu Đoan: Pơblang