VOV4. Jarai - Ƀơi mông jơnum bơkơtuai kơ Kơčăo bruă ngă tui hơbô̆ bruă wai lăng mă pô amăng kual plơi pla, Khua apăn bruă Ping gah, Khua Jơnum min djŏp djuai ania mơnuih mơnam Việt Nam ơi Đỗ Văn Chiến kiăng: Akŏ pơjing hơbô̆ bruă wai lăng mă pô lăp djơ̆ hăng tơlơi kiăng khăp mơng mơnuih ƀon sang hăng pơhlôm hơmâo kơnuk kơna lăng ba. Thun blan rơgao, lu hơbô̆ bruă mơnuih ƀon sang wai lăng mă pô amăng kual plơi pla hơmâo akŏ pơjing mơng bruă jak iâu yua Jơnum min djŏp djuai ania mơnuih mơnam Việt Nam, hơdôm khul grup mơnuih mơnam pơphun ngă hơmâo anŏ djơ̆ hrŏm kơ bruă mă; aka ƀu tŭ yua đơi ôh. Ƀing khua kiăng hrơi blan pơ anăp, kiăng čih pơkra jing tơlơi phiăn kơ bruă wai lăng mă pô amăng plơi pla, čih pơkra tơlơi pơkôl pơkă hơdôm hơbô̆ bruă wai lăng mă pô; tơlơi pơkôl pơkă rơkâo ngă bruă mă pô, wai lăng kiăng pơtrut tui klă hloh tơlơi dưi mơng mơnuih ƀon sang.

Siu H’Mai: Pơblang