VOV4.Jarai -  Mơguah lơ 20/8, ƀơi Kual djă pioh hơdor glăi kơ Khua mir sir Tôn Đức Thắng, să Mỹ Hoà Hưng, plơi prong Long Xuyên, tơring čar An Giang, Ping gah, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar An Giang hmâo pơphun pơpŭ bơnga, tuĭ ñang hơdor glăi 133 thun Hrơi tơkeng Khua mir sir Tôn Đức Thắng (20/8).

Mông ngă lơphet hơdor glăi 133 thun Hrơi tơkeng Khua mir sir Tôn Đức Thắng thun anai pơphun amăng tơlơi đơ đam lŏn ia lăi hrom, tơring čar An Giang lăi ha jăn glăk gir run pơgang, pơgăn klin Covid-19, anun hơdôm phiăn ngă lơphet dưi pơphun ƀu drưp drap ôh samơ̆ klă hiam; mơnuih pơ ala nao pơhmư̆ ngă tui tơpă hơdôm tơlơi pơkă kơ pơgang, pơgăn klin. Ư-ang kơ bruă mă hăng pran jua hơkrŭ tâ̆o klă mơng Khua mir sir Tôn Đức Thắng, Ping gah hăng mơnuih ƀôn sang An Giang ƀuăn gum hrom hơbit, run pran hrăm tui, mă bruă, lăng yôm pran hrưn đĭ pô, ngă tui pran jua hur har, pơčeh phrâo, mă yua, tơhnal gal, tŭ mă tơlơi dưi hăng hơdôm bôh than gêh gal pơdŏng tơring čar An Giang ƀu pơdơi pơđĭ kyar, djơ̆ hăng plơi pla mơng Khua mir sir Tôn Đức Thắng./.

Siu H’ Prăk: Pô pơblang