VOV4.Jarai -  Čơtlăm 12/10, Jơnum mơnuih ƀôn sang tơring čar Lâm Đồng pơphun jơlan hơdră bơkơtuai hăng pơpŭ mơnuih bơwih ƀong, anom bơwih ƀong mơbruă. Lu tơlơi tơnap tap, akă gal amăng bruă bơwih ƀong huă, sĭ mơdrô dưi hmâo hơdôm bôh anom ba tơbiă hăng rơkâo tơring čar đing nao pơtlaih brơi. Amăng mông bơkơtuai, khua tơring čar Lâm Đồng lăi pơhing, khă bơdjơ̆ nao mơng klin Covid-19, samơ̆ bruă bơwih ƀong – mơnuih mơnam 9 blan akô̆ thun 2021 mơng tơring čar ăt hmâo mơn lu bôh than klă.

Bôh tơhnal anai hmâo tơlơi gum hơgôp prong mơng khul mơnuih bơwih ƀong hăng rơbêh kơ 11.000 bôh anom bơwih ƀong amăng tơring čar. Kiăng hơkrŭ pơsir tơlơi tơnap bruă bơwih ƀong sĭ mơdrô djơ̆ hăng ƀơi anăp klin ngă, hơdôm mơnuih bơwih ƀong hmâo ba tơbiă, rơkâo đĭ hrŏ trun kơmlai sang prăk; pơhrư̆i hrơi tla hnưh djru anom bơwih ƀong hmâo tŭ mă hăng ngă tui hơdôm rơwang bruă pơplih hơdră mrô kiăng tañ mă yua amăng wai lăng, lăi pơthâo gơnam tam./.

Siu H’ Prăk: Pô pơblang