VOV4.Jarai - Ngă tui tơlơi jak iâu mơng Khua dêh čar kơ bruă ba vaccine pơgang Covid-19 hăng abih bang mơnuih, Kông ti Apui lơtrik Dăk Nông hơmâo djru hơdôm rơtuh klăk prăk amăng Keh prăk vaccine pơgang klin Covid-19, đah mơng gum hrŏm hăng dêh čar ta dưi pơgang glăi klin, pơwơ̆t glăi tơlơi hơdip tui mơng hơđăp.

Khua kông ti Apui lơtrik Dăk Nông djru kơ Keh prăk vaccine pơgang Covid-19

Hăng tơlơi iâu pơthưr “Gum hrŏm pơgang klin Covid-19”, ƀing khua, mơnuih mă bruă amăng Kông ti apui lơtrik dăk Nông hơmâo djru rơbêh 200 klăk prăk amăng Keh prăk vaccine pơgang Covid-19 mơng tơring čar. Hrŏm hăng anun, Kông ti hơmâo nao čuă, juh alum, brơi kơ Sang ia jrao plơi prong Gia Nghĩa sa boh măi pơkă hyuh drơi jăn, gơnam pruih mač, kman hăng hơdôm rơtuh blah khăn gôm ƀô̆. Anom bruă hơmâo brơi kơ Sang ia jrao phường Nghĩa Tân, plơi prong Gia Nghĩa 3 boh măi pơkă hyuh drơi djă ƀơi tơngan hăng khăn gôm ƀô̆ kiăng mơnuih mă bruă amăng sang ia jrao mă yua.

Siu H’Mai: Pơblang