VOV4.Jarai - Kiăng kơ pơgiăng hyu mơnuih ƀon sang amăng bơyan Tết tui djuai ania thun 2022 pơ anăp anai, Kông ti ĐSVN glăk sĭ vĕ dua boh rơdêh treng pơgiăng hyu tuai Thống Nhất đuăi mơng Hà Nội - Sài Gòn, rơdêh treng đuăi mơng Đà Nẵng-Sài Gòn. Sit biă ñu, mơng lơ 4/1/2022, Anom bruă rơdêh treng tŏ tui sĭ vĕ đuăi mơng ƀôn prong Hồ Chí Minh nao pơ Phan Thiết, Nha Trang, Quy Nhơn, Quảng Ngãi hăng đuăi pot glăi. Hơdôm rơdêh treng anai tui hơdră pơgiăng tuai tui kơthung hăng nua sĭ vĕ aset ƀiă: hrŏ trun nua vĕ mơng 10% truh pơ 15%, gơnam ƀong soh sel lơ̆m đĭ rơdêh treng, ƀơi tơdron, ƀing tuai arăng amra prap lui anih dŏ tơguăn ƀudah hơdôm anih dŏ tơguăn rơdêh treng phara hơmâo jơlan đĭ nao rai phara…Kiăng kơ pơhlôm brơi gêh gal hloh brơi kơ tuai, gơnong bruă rơdêh treng  tŏ tui bruă pơgang klin Covid-19; kơtưn amăng bruă pruih ia jrao, anih rao tơngan hăng ia jrao, pơčrang lăng hyuh amăng drơi jăn brơi kơtuai lơ̆m mut nao tơdron rơdêh treng…

Siu Đoan: Pơblang