VOV4.Jarai - Lơ 20/5, ling tơhan wai pơgang guai lŏn ia hơmâo mă pơkŏng 30 čô mơnuih mut rai dêh čar ča čot, tŭ mă 55 čô mơnuih kơtuai guai lŏn ia ƀơi Lạng Sơn, Cao Bằng, Thanh Hóa, Tây Ninh, Đồng Tháp, An Giang. Ƀơi anăp kơ tơlơi tơnap tap mơng klin Covid-19 glăk lar hyu hăng ngă tơnap tap amăng dêh čar, lơ̆m anun mơnuih mut rai dêh čar ta ča čot ăt ƀuh lu, Thiếu tướng Hoàng Hữu Chiến, Kơ-iăng khua anom pơphô bruă mơng puih tơhan wai pơgang guai lŏn ia git gai ling tơhan kơtưn amăng bruă pơtô pơblang, pơtrut pơsur mơnuih ƀon sang ƀơi kual giăm guai lŏn ia, kual ia rơsĭ anăm pơgang brơi mơnuih mut rai dêh čar ta ča čot. Ƀơi hơdôm anih dŏ gak, ƀơi amăng jang, ling tơhan hơmâo đing nao wai ƀơi hơdôm anih juăt ƀuh mơnuih găn nao rai, biă mă ñu lĕ kơtuai tui guai Việt Nam - Khač, Việt Nam - Kur.

Siu Đoan: Pơblang