VOV4.Jarai-Lơ 29/12, Grup mă bruă mơ̆ng Anom pơphun bruă Ping gah dêh čar yua kơ ơi Hoàng Đăng Quang, Kơ-iăng Khua anom pơphun bruă Ping gah dêh čar ngă khua grup, hơmâo mông mă bruă hăng khua mua git gai ping gah tơring čar Dak Lak kơ bruă "Ĕp lăng tơlơi pơhing ngă tui tơlơi pơtrun pơmut mơnuih ngă bruă sit nik amăng kơnuk kơna". Mơ̆ng thun 2016-2021, tơring čar Dak Lak hơmâo pơhrŏ mơnuih ngă bruă sit nik amăng kơnuk kơna rơbêh 10% amăng mrô jao hăng dăp glăi hơdôm anom bruă djơ̆ tơlơi phiăn.

Khua mua anom pơphun bruă  ping gah dêh čar mă bruă ƀơi Dak Lak

Đơ đam tơring čar pơhrŏ 466 čô mơnuih ngă bruă sit nik kơnuk kơna, hrŏ trun 4.377 čô mơnuih mă bruă amăng sang bruă kơnuk kơna, laih anun hrŏm 543 čô mơnuih apăn bruă ngă khua pơ să. Ƀơi mông mă` bruă, ơi Hoàng Đăng Quang, Kơ-iăng khua anom pơphun bruă ping gah dêh čar rơkâo tơring čar Dak Lak ăt jŭ yap glăi, pơhrua nao dơ̆ng, ngă pơgiong bruă mă, tơlơi dưi mơ̆ng rĭm gơnong bruă, anom bruă ƀơi tơring čar, ƀơi tơring glông pơsir hĭ anŏ bơrơkua nao rai, pơtong glăi bruă mă, dăp bruă pơpha bruă mă djơ̆ rơnoh, mrô mơnuih mă bruă sit nik.

Ăt dăp glăi bruă mă amăng sang bruă kơnuk kơna, kiăng hơbôt aset tui, ƀu lui ngă bruă pơpha tŭ bơkơnar mrô mơnuih pioh pơhrŏ mrô sit nik ngă bruă kơnuk kơna.

Nay Jek: Pơblang