VOV4.Jarai - Anom pơtô bruă Ping gah dêh čar phrâo pơphun mông jao pri hăng pơdă prưng rup hiam gưl dêh čar, anai lĕ hơdôm rup phĭn ƀơi kual ia rơsĭ, ƀu pơtâo hăng anăn “Tổ quốc bờ sóng”. Tal pơplông lĕ sa amăng hơdôm bruă mă kơđi čar, mơnuih mơnam, pơtrut pơsur ƀing mơnuih hyu phĭn rup pơčeh phrâo kiăng kơ hơmâo lu rup hiam.

Dua čô mơnuih mă pri prong hloh mơng tal pơplông anai

Amăng mrô giăm 6.000 pok rup ba nao pơplông, Khul pơphun hơmâo ruah rơbêh 121 pok rup mut nao pơplông tal rơnuč hăng dưi mă pri laih anun jao 2 pri prong hloh, 4 pri dong tal 2, 6 pri dong tal 3, 10 pri pơtrut pơsur. Đĭ pơhiăp amăng mông jao pri, Khua anom pơtô bruă Ping gah dêh čar Nguyễn Trọng Nghiã lăi pơtong, mơng tal pơplông anai kiăng pơdah pran pơ-ư pơ-ang djuai ania, gru grua khăp kơ lŏn ia, pran pơpŭ kơ tơlơi rơngai lŏn ia sa wŏt dong ngă lar hyu, pơtrut kơtang pran khăp, tơlơi pơ-ư pơ-ang mơng rĭm čô mơnuih kơ lŏn ia Việt Nam.

Siu Đoan: Pơblang