VOV4.Jarai - Mơguah lơ 8/9, ƀơi sang bruă khua pơ ala mơnuih ƀon sang dêh čar, pơphun Jơnum pơphun ngă tui Jơlan hơdră mă bruă mơng Ping gah Khua pơ ala mơnuih ƀon sang dêh čar ngă tui Tơlơi pơtrun Jơnum ping gah dêh čar tal 13 hăng Jơlan hơdră ngă bruă mơng Ping gah anom bruă khua pơ ala mơnuih ƀon sang dêh čar kiăo tui Tơlơi pơtrun Jơnum ping gah dêh čar tal 13. Ding kơna Ding jum kơđi čar, Kơ-iăng khua git gai pơ ala mơnuih ƀon sang ơi Trần Thanh Mẫn nao pơhmư̆.

Pơhiăp ƀơi mông jơnum, ơi Trần Thanh Mẫn kiăng pơplih phrâo anom bruă hăng bruă mă mơng Ƀirô khua git gao pơ ala mơnuih ƀon sang; pơplih hơdră ngă bruă phrâo, klă hloh, tŭ yua hloh, pơtrut tui tơlơi dưi mơnuih ƀon sang, rơguăt bruă čih pơkra tơlơi phiăn, wai lăng, pơsit hơdôm bruă yôm hơmâo amăng lŏn ia. Hơdôm Khul grup Ping gah, djŏp gưl pok pơhai jơlan hơdră ngă bruă mơng rim anom bruă Ping gah, anom bruă čar, gir kơtir, gum pơgôp, pơčeh phrâo, găn rơgao tơnap tap đah mơng dưi ngă giong bruă hơmâo jao.

Siu H’Mai: Pơblang