VOV4.Jarai - Kiăng kơ gum djru brơi mơnuih ƀon sang tơnap tap yua bơbeč mơng klin Covid-19, Khul mơnuih bơwih ƀong sĭ mơdrô hlăk ai tơring čar Dak Nông pok “ATM braih 0 prăk” kiăng kơ djru brơi hơdôm tơ̆n braih soh sel kơ neh met wa. Hơdôm ATM anai glăk tŏ tui pok prong ƀơi hơdôm ƀon lan glăk bơbeč nao kơtang mơng klin Covid-19 amăng tơring čar.

Hăng tơlơi jak iâu hlơi hơmâo ba nao djru, hlơi tơnap nao mă “ATM braih 0 prăk” yua Khul bơwih ƀong sĭ mơdrô hlăk ai Dak Nông pơphun tơdơi kơ 4 hrơi pok hơmâo rơbêh 6 tơ̆n braih brơi rơbêh 2.000 čô mơnuih tơnap tap amăng plơi prong Gia Nghĩa. Tui hăng ayong Nguyễn Ngọc Chính, Khua khul bơwih ƀong sĭ mơdrô hlăk ai Dak Nông rơngiao hăng djru brơi ƀơi plơi prong Gia Nghĩa, ATM braih 0 prăk amra djru brơi braih kơ neh met wa ƀơi hơdôm tơring glông Dăk R’lấp, Tuy Đức hăng Dak G’long.

Siu Đoan: Pơblang