VOV4.Jarai -  Lom dêh čar Việt Nam glăk bŏng glăi hăng klin Covid-19 ƀơi lu anih anom, mơmot lơ 26/8, dêh čar Australia phrâo lăi pơthâo amăng rơwang hrơi tơjuh anai amra ba rai kơ Việt Nam tal vaccine blung a hmâo 400 rơbâo liều vaccine amăng abih bang mrô vaccine mơ̆ dêh čar anai hmâo pơkôl djru Việt Nam. Mrô vaccine anai amăng mrô abih bang 1 klăk 500 rơbâo liều vaccine AstraZeneca mơ̆ Australia hmâo pơkôl brơi kơ Việt Nam amăng thun anai. Mrô vaccine anai dưi hmâo Australia pơkôl djru Việt Nam hrom hăng mrô djru 40 klăk dolar Australia kiăng gum hrom UNICEF djru Việt Nam bŏng glăi hăng Covid-19. Rơngiao kơ anun, Australia ăt djru mơn Việt Nam bŏng glăi hăng Covid-19 hluai tui prăk gum hơgôp hmâo nua 130 klăk dolar Australia amăng jơlan hơdră COVAX djru hơdôm bôh dêh čar glăk pơđĭ kyar dưi yua vaccine dưm kơnar./.

Siu H’ Prăk: Pô pơblang