VOV4.Jarai - Ƀơi anăp tơlơi hŭi rơhyưt kơtang mơng klin Covid-19 ƀơi tơring čar Bắc Ninh, Jơnum min ruah khua tơring čar Bắc Ninh hơmâo pơphun ruah khua tañ ƀơi sa, dua anih plĕ hră pơ 2 boh tơring glông, 1 boh plơi prong anet hăng sa boh plơi prong. Lăi glăi tơlơi pơtrun anai, Khul wai lăng bruă ruah khua dêh čar tŭ ư hăng tơlơi rơkâo anai laih anun brơi sa, dua anih plĕ hră ƀơi plơi prong Bắc Ninh, plơi prong Từ Sơn, tơring glông Tiên Du hăng tơring glông Gia Bình dưi plĕ hră ruah khua pơ ala mơnuih ƀon sang dêh čar tal 15 hăng khua pơ ala mơnuih ƀon sang djŏp gưl rơwang thun 2021-2026 tañ hloh ha hrơi pơhmu hăng hrơi plĕ hră ƀơi abih bang anih, anun lĕ plĕ hră amăng lơ 22/5/2021. Khul wai lăng bruă ruah khua Dêh čar ta kiăng Jơnum min ruah khua tơring čar Bắc Ninh git gai bruă ruah khua pơ ala mơnuih ƀon sang dêh čar hăng khua pơ ala mơnuih ƀon sang djŏp gưl rơwang thun 2021-2026 djơ̆ tơlơi phiăn hăng djơ̆ tơlơi pơtô ba mơng Khul khua wai lăng bruă ruah khua.

Siu H’Mai: Pơblang