VOV4.Jarai -  Mơguah tom brơi (23/8), Trung đoàn Tơhan Polih mă bruă hơdeč Dăp Kơdư hmâo ngă lơphet pơphun ba 100 čô mơnuih apăn bruă tơhan, ling tơhan nao pơ̆ tơring čar Bà Rịa – Vũng Tàu djru tơring čar anai pơgang, pơgăn klin Covid-19. 100 čô mơnuih apăn bruă tơhan, ling tơhan gah Trung đoàn tơhan polih mă bruă hơdeč Dăp Kơdư hăng djă ba djop gơnam kiăng yua kơ pô dưi hmâo 5 bôh rơdêh pơgiăng nao tơpă pơ̆ tơring čar Bà Rịa – Vũng Tàu djru mơnuih ƀôn sang ƀơi anai pơgang, pơgăn klin Covid-19.

Thượng tá Diêm Công Toàn-Khua Trung đoàn tơhan Polih mă bruă hơdeč Dap Kơdư lăi pơthâo, “Yua kơ tơlơi suaih pral, tơlơi hơdip mơnuih ƀôn sang yôm hloh”, hăng pran jua “Kơdŏng klin kah hăng kơdŏng ayăt”, hơdôm mơnuih apăn bruă tơhan, ling tơhan pơsit anai lĕ bruă mă kơdŏng glăi amăng rơnuk anai, jing bruă gơgrong pioh kơ lŏn ia hăng mơnuih ƀôn sang. Hlâo kơ anun, 310 čô mơnuih apăn bruă tơhan, ling tơhan mơng anom hmâo nao djru ƀôn prong Hồ Chí Minh ngă tui bruă jao tui anun./.

Siu H’ Prăk: Pô pơblang