VOV4.Jarai - Ƀơi anăp kơ tơlơi tơnap tap mơng klin Covid-19 ngă kơ lu mơnuih ƀă klin ƀơi tơring čar Daklak, mơguah (27/10), ƀing ơi ia jrao mơng Sang ia jrao Chợ Rẫy hơmâo nao truh laih pơ Daklak kiăng kơ djru pơgang klin Covid-19. Amăng mơguah blung a lơ̆m nao truh pơ Daklak, ƀing ơi ia jrao mơng Sang ia jrao Chợ Rẫy hơmâo mông mă bruă hăng Khua mua laih dong ƀing ơi ia jrao ƀơi Sang ia jrao prong kual Dap kơdư, tơdơi anun pel ĕp ƀơi Khoa cấp cứu hồi sức, sang E anih pioh pơjrao brơi mơnuih ƀă klin Covid-19 gưl 2 hăng 3 hăng anih glăk pơjrao brơi mơnuih ƀă klin Covid-19 gưl 3.

Tơdơi anun, ƀing ơi ia jrao, nai ia jrao mơng Sang ia jrao Chợ Rẫy amra dŏ glăi 1 wŏt hrơi tơjuh dong kiăng kơ djru brơi Daklak amăng bruă pơgang klin hăng pơjrao brơi ƀing mơnuih ƀă klin Covid-19. Tui hăng jŭ yap mơng Gơnong bruă ia jrao Daklak, truh mơguah lơ 27/10, tơring čar hơmâo 3.479 čô mơnuih ƀă klin Covid-19, amăng anun pơjrao suaih brơi laih 1.436 čô.

Siu Đoan: Pơblang