VOV4.Jarai-Ăt amăng hơdră jơnum lok sa, khua mua pơ ala mơnuih ƀôn sang dêh čar tal 15, hrơi anai, lơ 22/7, ƀing khua mua hmư̆ hră lăi pơthâo yôm, amăng anun lăi pơthâo pơtong lăng boh tơhnal ngă tui akŏ bruă pơđĭ kyar bơwih ƀong huă mơnuih mơnam, prăk kăk kơnuk kơna amăng 6 blan akŏ thun hăng hơdră mă bruă pơđĭ kyar bơwih ƀong huă mơnuih mơnam, prăk kăk kơnuk kơna 6 blan rơnuč thun anai; akŏ bruă pơđĭ kyar bơwih ƀong huă 5 thun mơ̆ng thun 2021-2025.

Khua mua pơ ala hmư̆ hăng bơkơtuai akŏ bruă pơđĭ kyar bơwih

ƀong huă mơnuih mơnam

Tŏ tui dơ̆ng, tơlơi lăi pơthâo mơ̆ng Jơnum min djop djuai ania mơnuih mơnam Việt Nam čih pioh tơlơi pơgôp hiăp, tơlơi rơkâo mơ̆ng mơnuih plĕ hră hăng mơnuih ƀôn sang mơ-it nao jơnum lok sa, khua mua pơ ala tal 15; Hră lăi pơthâo brơi pơsit glăi akŏ bruă pơđĭ kyar bơwih ƀong huă mơnuih mơnam 5 thun mơ̆ng thun 2021-2025.

Tlam ƀing pơ ala mơnuih ƀôn sang dêh čar bơkơtuai ƀơi grup pơtong glăi boh tơhnal ngă tui hơdră pơđĭ kyar bơwih ƀong huă mơnuih mơnam, mă yua prăk kơnuk kơna 6 blan akŏ thun hăng akŏ bruă 6 blan rơnuč thun 2021; akŏ bruă 5 thun mơ̆ng thun 2021-2025.

Nay Jek: Pơblang