VOV4.Jarai - Ƀơi anăp tơlơi truh klin kheng Covid-19 kơtang ƀơi rŏng lŏn tơnah, Kơnuk kơna hơmâo pơphun bruă pơtom hiăp nao rai djru vaccine ječ ameč, abih bang, khut khăt kiăng hơmâo lu vaccine hloh hăng tañ hloh đah mơng dưi tlâ̆o brơi abih bang mơnuih. Tui hăng Kơ-iăng khua ding jum pơtom hiăp ơi Nguyễn Minh Vũ, hrơi blan pơ anăp, Việt Nam amra pơtrut tañ bruă pơtom hiăp kơ ia jrao vaccine hăng 3 mơta tơlơi bơkơtuai kiăng dưi hơmâo jrao, laih dong hyu ĕp ƀơi lu anih kiăng dưi hơmâo jrao pơjrao kman Covid-19. Kơ-iăng khua ding jum pơtom hiăp Nguyễn Minh Vũ lăi: ră anai, hơdră kiăng hơmâo vaccine hăng “pơtom hiăp hăng tač rơngiao kiăng hơmâo vaccine” hơmâo ngă tŏng ten, djơ̆ hơdră ƀơi djŏp gưl, biă ñu ƀơi gưl prong. Ơi Nguyễn Minh Vũ brơi thâo: him lăng amăng blan 9 hăng blan 10/2021, Việt Nam amra hơmâo thim 30 klăk liêu vaccine. Kơnong amăng blan 9/2021 amra hơmâo 16 -17 klăk liêu hơmâo ba rai pơ Việt Nam kiăo mơng lu anom bruă phara.

Siu H’Mai: Pơblang