VOV4.Jarai - Kơ-iăng Khua dêh čar ơi Vũ Đức Đam hơmâo kĭ tơlơi pơsit tŭ yap Jơlan hơdră pôr pơhing kơ bruă bơkơnar ană mơnuih truh thun 2030. Anai lĕ tal blung a Việt Nam hơmâo jơlan hơdră pôr pơhing phara kơ bruă bơkơnar ană mơnuih hăng kiăng anăp nao truh thun 2030. Jơlan hơdră tui hơnong pơkă truh thun 2025,  djop ding jum, gơnong bruă, gong gai ƀon lan hơmâo pơjing akŏ bruă, pok pơhai bruă mă amăng blan yua kơ bruă bơkơnar ană mơnuih hăng pơgăn bruă kơtư̆ juă đah kơmơi amăng rĭm thun. Gir run truh thun 2030 bruă pơhlôm bơkơnar amăng abih bang mơnuih amra đĭ mơng 10-15% pơhmu hăng thun 2025. Gir run trun thun 2025 ƀiă biă mă ñu 70% mrô anom bruă pôr pơhing dưi ngă tui hăng trun thun 2030 dưm dưm 90% mrô anom bruă pôr pơhing sit nik mă yua mrô jŭ yap kơ bruă bơkơnar đah rơkơi hăng đah kơmơi amăng pôr pơhing. Truh thun 2025 dưm dưm 95% hăng truh thun 2030 dưm dưm 100% hơdôm tơlơi pơkôl, pơkă hơmâo tŭ yap ƀu dŏ pơčlah, kơtư̆ juă dong tah. Rĭm thun, hơdôm anom bruă, khul grup, anom bơwih ƀong sĭ mơdrô hăng mơnuih ƀon sang hơmâo pôr pơhing, lăi pơthâo, kiăng  tui lăng tơlơi phiăn, hơdră bruă kơ bruă bơkơnar mơnuih ƀiă biă mă ñu 2 wŏt.

Siu Đoan: Pơblang