VOV4.Jarai - Ƀơi Hà Nội, Grŭp pơtô bruă Ping gah dêh čar phrâo gum hrom hăng hơdôm bôh ƀirô bơdjơ̆ nao pơphun ngă Lơphet ƀơk pri pơplông hơduah ĕp kơ guai lŏn ia hăng anăn ñu “Guai lŏn ia kâo”. Bruă pơplông lăng nao rai mơng ataih hơduah ĕp “Guai lŏn ia kâo” kiăng lăi pơhing, pơsit hơdră pơtrun, jơlan gah djơ̆ mơng Ping gah, Kơnuk kơna hăng hơdôm tơlơi gir run mơng hơdôm anih anom amăng bruă pok pơhai Bruă pơgang guai lŏn ia, sit nik pok pơhai Tơlơi pơtrun pơsit Jơnum tal 13 mơng Ping gah. Hrom hăng anun, djru rŭ tơgŭ pran jua khăp lŏn ia, tơlơi ư-ang, pơpŭ djuai ania; pơtô juăt pơđĭ tui tơlơi pơmin bruă gơgrong pơdŏng hăng pơgang Lŏn ia amăng rơnuk phrâo. Khă anai lĕ tal blung a dưi pơphun samơ̆ kơnong kơ ƀiă hrơi đôč, bruă pơplông dưi ngă pơhư̆č tơlơi gum hrom hăng anăp nao mơng 1 klăk čô mơnuih hăng rơbêh kơ 2 klăk wot mơta tơlơi pơplông hăng abih bang gưl mơnuih ƀôn sang gum hrom, lu mơta gah hnưr thun hăng djuai ania. Grŭp pơphun bruă pơplông hmâo ƀơk laih 1 pri yôm phăn, sa pri mrô sa, sa pri mrô dua, hăng sa pri mrô 3 hăng 2 pri pơsur kơ hơdôm grŭp pơplông hmâo bôh than prong hloh./.

Siu H’ Prăk: Pơblang