VOV4.Jarai - Mơguah lơ 15/5, ƀơi Hà Nội, Ding jum ngă hmua hăng pơđĭ kyar plơi pla ngă hrŏm hăng khua pơ ala hơdôm Ding jum: Ding jum pơtom hiăp, Ia jrao, Kông ngăn amăng lŏn tơnah hăng anih hơdip jum dar, Tuh tia pơkra gơnam, Akŏ bruă hăng tuh pơ alin, Sang gum hơbit djŏp dêh čar ƀơi Việt Nam hăng ƀing gŏp ngă hrŏm ƀơi jar kmar, anom kơsem min boh thâo, sang hră gưl prong, anom bơwih ƀong, khul grup hăng hơdôm bơnah bơdjơ̆ nao, pơphun bơkơtuai tal sa ƀơi Hà Nội. Anai lĕ tơlơi jơnum prong prăp lui kơ Việt Nam nao jơnum hrŏm mông jơnum prong kơ anih wai lăng braih pơdai gơnam ƀong huă mơng Sang gum hơbit djŏp dêh čar pơphun amăng blan 9 thun anai. Jơnum khua mua thun 2021 mơng Sang gum hơbit djŏp dêh čar kiăng anom bruă wai lăng pơdai braih gơnam ƀong huă pơđĭ kyar kơjăp hloh, abih bang hloh laih anun dưi gơgrong bruă klă hloh ƀơi anăp tơlơi lông, pơjing rai lu tơlơi bơbjơ̆ nao kiăng pơđĭ kyar kơjăp amăng thun 2030. Jơnum pơƀut pơgôp tơlơi pơhiăp kơ bruă mă kah hăng: pơhlôm dưi yua gơnam ƀong huă hơdjă, klă kơ tơlơi suaih pral; kiăng pơplih jing tơlơi blơi yua gơnam rơnuk rơnua, hơđong; pơtrut pơkra gơnam hơdjă; pơtrut tơlơi dưm kơnar amăng nua gơnam hăng tơlơi bơwih ƀong, dưi pơgăn glăi hăng tơlơi lông, tơlơi truh ƀu hmao thâo pơ anăp.

Siu H’Mai: Pơblang