VOV4.Jarai - Mơguah lơ 12/11, ƀơi Hà Nội, Anom bruă pơtô bruă kơđi čar Kông ang mơnuih ƀôn sang, Ding jum Kông ang pơphun Bơkơtuai bôh thâo phrâo “Bruă mă mơng Kông ang mơnuih ƀôn sang amăng pơdŏng Kơnuk kơna djơ̆ phiăn mơnuih mơnam dưm kơnar Việt Nam mơng mơnuih ƀôn sang, yua mơnuih ƀôn sang yua kơ mơnuih ƀôn sang”. Amăng mông bơkơtuai, ƀing khua pơ ala tŭ ư hrom pơsit, pơdŏng Kơnuk kơna djơ̆ phiăn djop mơnuih dưm kơnar lĕ hơdră pơtrun hluh gah mơng Ping gah, Kơnuk kơna ta. Tui hăng Nai tha prin, nai prin tha Lê Văn Cương, Khua hơđăp Anom kơsem min bôh thâo phrâo hăng bruă mă tañ (Ding jum Kông ang), kiăng khul Kông ang mơnuih ƀôn sang ngă tui bruă mă mơng pô amăng pơdŏng kơnuk kơna djơ̆ phiăn djop mơnuih dưm kơnar, khom ngă tui klă bruă pơgang Ping gah, pơgang Kơnuk kơna, pơgang hơdră bruă mơnuih mơnam dưm kơnar; pơgang kơjăp tơlơi rơnuk rơnua lŏn ia, pơhlôm hơđong klă mơnuih mơnam; pơgang tơlơi dưi hăng bôh tŭ yua lăp djơ̆ mơng mơnuih ƀôn sang./.

Siu H’ Prăk: Pô pơblang