VOV4.Jarai - Mơguah lơ 21/10, ƀing khua pơ ala mơnuih ƀon sang dêh čar jơnum bơkơtuai ƀơi grup kơ bruă pơđĭ kyar bơwih ƀong huă - mơnuih mơnam thun 2022, hăng bruă pơhlôm pơgang klin Covid-19. Ƀing khua lăng yôm biă tơlơi git gai djơ̆ lăp hăng hơdôm hơdră pơgang klin abih bang hăng hmao tlôn amăng hrơi blan rơgao, djru dưi ngă lu tơlơi yôm phun kah hăng: Truh ră anai klin hơmâo pơgang hĭ mơn ƀơi abih bang anih, tơlơi prăp lui hlâo  pơgang klin tơdah klin kơtang hă tơdu ăt hơmâo pơtrun mơn laih anun pơphun pơgang klin tui hơdră phrâo lĕ dŏ hrŏm rơnuk rơnua, dưi pơgăn hơdeč hmar, wai lăng klin kheng tŭ yua đah mơng pơgang ba klă hloh tơlơi suaih pral kơ mơnuih ƀon sang, pơhlôm brơi tơlơi hơdip mơng ană plơi pla; lu tơlơi mơ-ak amăng bruă pơđĭ kyar bơwih ƀong huă- mơnuih mơnam; ba lŏn ia ta hơdip tui hơđăp tañ hloh tơdah dưi. Tui hăng ƀing khua, hơmâo 3 tơlơi yôm phun amra pơđĭ kyar bơwih ƀong huă mơnuih mơnam amăng thun 2022, anun lĕ hơkrŭ glăi - pơtrut tui bruă pơkra gơnam sĭ mơdrô, sĭ kơ dêh čar tač rơngiap hăng pơtrut tañ bruă brơi prăk čan pioh ngă bruă kơnuk kơna jao či pơhrui djŏp tơlơi gum djru mơng abih bang mơnuih pioh pơđĭ kyar anih anom.

Siu H’Mai: Pơblang