VOV4.Jarai - Mơguah lơ 9/11, ƀơi Hà Nội, Grŭp bơwih ƀong dêh čar ta pơphun bơkơtuai akô̆ bruă “Tơlơi pơmin hăng hơdră ngă juăt phrâo kơ pơplih phrâo măi mok, pơplih phrâo lŏn ia truh thun 2030 tơhnal lăng nao truh thun 2045”. Bruă bơkơtuai đing nao pơblang, lăi pơthâo hơdôm tơlơi hmâo hăng hơdôm jơlan gah prong mơng pơplih phrâo măi mok, pơplih phrâo lŏn ia ƀơi rŏng lŏn tơnah hăng amăng kual, mơng anun thâo krăn hăng ba tơbiă hơdôm tơlơi pơmin hăng ngă juăt hăng pơplih phrâo măi mok, pơplih phrâo lŏn ia, hrăm tui hơdră phrâo măi mok, hơdră bruă măi mok ƀơi rŏng lŏn tơnah, tơlơi găn rơgao mă tŭ kơ Việt Nam ăt kah hăng hơdôm tơlơi găn rơgao jar kơmar kơ pơphun bruă mă hăng pơplih phrâo, pơčeh phrâo pơjing rơđah tơlơi hơkrŭ glăi tơdơi kơ Covid-19 rơgao; abih bang tơlơi lăi pơthâo glăi pơđĭ kyar măi mok 2020 hăng hơdôm tơlơi pơblang, rơkâo đĭ hơdră bruă kơ Việt Nam, biă ñu lĕ amăng bruă măi mok pơkra gơnam tam; hơdră pơpha ngăn rơnoh kiăng kơtưn rơnoh bruă kơ tơlơi bơwih ƀong, pơtrut bruă pơplih phrâo măi mok, pơplih phrâo lŏn ia./.

Siu H’ Prăk: Pô pơblang