VOV4.Jarai-Mơguah lơ 29/6, ƀơi ƀôn prong Hải Phòng, pơphun jơnum lok sa, khua mua pơ ala mơnuih ƀôn sang ƀôn prong Hải Phòng tal XVI. Jơnum min ruah khua ƀôn prong Hải Phòng lăi pơthâo boh tơhnal ruah khua hăng pơtong glăi kơnuih ƀing khua pơ ala mơnuih ƀôn sang ƀôn prong tal XVI, rơwang bruă thun 2021-2026.

Ăt amăng tal jơnum anai mơ̆n, ƀing pơ ala mơnuih ƀôn sang ƀôn prong ruah ƀing khua phun amăng ƀôn prong, khua anom bruă pơ ala, khua jơnum min mơnuih ƀôn sang, khua djop sang bruă, anom bruă amăng ƀôn prong; ruah khua pơ ala phat kơđi sang phat kơđi dêh čar ƀơi ƀôn prong tui tơlơi phiăn pơkă; ruah ƀing pơ ala phat kơđi amăng sang phat kơđi ƀôn prong, laih anun dăp bruă pơgiong abih djop sang bruă amăng ƀôn prong rơwang bruă pơ anăp.

Nao jơnum hrom hăng pơhiăp git gai, ơi Vương Đình Huệ, Khua git gai pơ ala mơnuih ƀôn sang dêh čar čang rơmang hăng đăo kơnang, amăng hơdôm thun mơ̆ng thun 2021-2026, khua mua pơ ala mơnuih ƀôn sang ƀôn prong Hải Phòng ăt khom ngă giong bruă jao, bơblih kơtang hloh gah bruă pơphun bruă mă hăng bruă mă amăng kơnuk kơna kiăng ngă giong bruă pơjing ƀôn prong jing anih bơngač hloh pơđĭ kyar bơwih ƀong huă mơnuih mơnam amăng dêh čar.

Nay Jek: Pơblang