VOV4.Jarai-Ƀơi hơdră anăn “Mơnuih ƀôn sang tơña-khua mua ƀôn prong lăi glăi” lơ̆m mơmŏt lơ 13/9, Kơ-iăng Khua Jơnum min mơnuih ƀôn sang ƀôn prong HCM, ơi Lê Hòa Bình lăi pơthâo lu tơlơi pơhing lăi glăi kơ tơhnal pơtrun pioh phru tui pơčlah mơnuih mơnam hăng hơdră djru kơ sang bruă sĭ mơdrô rŭ glăi tơlơi bơwih ƀong huă sĭ mơdrô. Tui hăng anun, hăng tơhnal pơtrun kơ rơnuk rơnua pioh dưi pok glăi bah amăng mă bruă bơwih ƀong huă, ơi Lê Hòa Bình brơi thâo: Ƀôn prong čih pơkra 8 mơta tơlơi pơtrun kơ djop anom bruă.

Tơdơi kơ lơ 15/9, ƀôn prong HCM lông ngă tui pok bah amăng nao rai

hăng hơdôm tơring glông

Tơhnal pơtrun anai amra ngă giong hlâo kơ lơ 16/9, tơdơi kơ anun pok pơhai ngă tui ƀơi kuân 7, tơring glông Củ Chi hăng tơring glông Cần Giờ; sem lăng pok pơhư prong amăng kual pơkra ming gơnam sĭ mơdrô sa ƀut Tân Thuận hăng anih pơkra ming gơnam hăng măi mok phrâo ia rơgơi plơi prong Thủ Đức. Lơ̆m lô ngă lăng hlâo, tơdah anih pơpă dưi ngă djơ̆ tơhnal pơgang rơnuk rơnua laih ăt brơi mă bruă đôč. Kơ jơlan hơdră djru sang bruă sĭ mơdrô, tơdơi kơ lơ 15/9, ƀôn prong HCM amra mă bruă hăng grup hyu mă bruă yôm phara mơ̆ng  kơnuk kơna kiăng hơmâo tơlơi rơkâo lăp djơ̆.

Nay Jek: Pơblang