VOV4.Jarai - Amăng mông jơnum lăng nao rai amăng tivi tlam lơ 17/6 hăng ƀôn prong Hồ Chí Minh laih dong Bắc Giang, Kơ-iăng khua dêh čar ta ơi Vũ Đức Đam, Khua khul git gai dêh čar amăng pơgang klin Covid-19, pơtă pơtăn ƀôn prong Hồ Chí Minh tŏ tui kơtưn pơčrang lăng, tañ ĕp ƀuh anih hơmâo klin kiăng guang dar, gir run ƀu kiăng pơčlah mơnuih mơna đơ đam ƀôn prong sui hrơi đơi ôh hăng rơkâo wai lăng kjăp ƀơi hơdôm anih guang dar, anih pơčlah. Bruă pơčrang lăng ƀơi ƀôn prong Hồ Chí Minh glăk klă tui lơ̆m đĭ 30.000 ia khak, ia adung pơčrang lăng amăng ha hrơi ră anai, Kơ-iăng khua dêh čar ta ơi Vũ Đức Đam pơtă pơtăn ƀôn prong Hồ Chí Minh kiăng ngă tui khut khăt hơdôm tơlơi pơkă amăng pơgang klin, gir run pơgăn, ƀu brơi lar hyu ƀơi hơdôm sang măi pơkra pơjing. Bơ ƀơi tơring čar Bắc Giang ră anai brơi laih 123 boh sang măi pot glăi mă bruă hăng 2 rơbăn čô kông nhơn. Tui hăng Kơ-iăng khua dêh čar ta ơi Vũ Đức Đam, tơring čar Bắc Giang kiăng pơpha anih pơčlah pơƀut dŏ mơnuih glăk pơjrao hăng anih sui hrơi ƀu hơmâo mơnuih F0, mơng anun đing nao hơdôm hơdră pơsir kjăp ƀơi hơdôm anom bruă pơčlah pơƀut aka ƀu pơhlôm rơnuk rơnua.

Siu Đoan: Pơblang