VOV4.Jarai -  Tui hăng ơi Dương Anh Đức, Kơ-iăng Khua Jơnum min mơnuih ƀôn sang ƀôn prong Hồ Chí Minh, mơng lơ 15/9 truh rơnuč blan 9, ƀôn prong Hồ Chí Minh ăt amra ngă tui tơlơi dô̆ čơlah tui Tơlơi črâo ba 16 hăng 16+, rơngiao kơ sa dua anih anom hmâo tơlơi klin ngă hơđong hloh kah hăng Cần Giờ, Củ Chi, quận 7... lĕ amra mă yua Tơlơi črâo ba 16 ƀudah 15+. Kơ-iăng Khua Jơnum min mơnuih ƀôn sang ƀôn prong Hồ Chí Minh ăt brơi thâo mơn ƀôn prong glăk kơsem min bruă mă yua “hră mơtah”, “hră kơñĭ” ƀudah hơdră tui anun kiăng phru ƀiă tơlơi dô̆ čơlah kơ sa dua čô mơnuih pơhlôm. Khă hnun hai, ră anai mrô vaccine pơgang mơng mơnuih ƀôn sang ƀôn prong hluai tui hơdôm măi mok phrâo ăt akă dưi lăi nao djop, ha amăng plĕ mơn. Hăng hơdôm bôh than anun, ƀôn prong Hồ Chí Minh phun ñu akă dưi phru ôh dô̆ čơlah mơnuih mơnam amăng lơ 15/9 anai hăng amra ngă tui tơhnal pơkă “pơhlôm dơ̆ hơpă lĕ pok bah amăng dơ̆ anun”./.

Siu H’ Prăk: Pô pơblang