VOV4.Jarai -  Mơguah lơ 8/10, Ping gah, Khul pơ ala mơnuih ƀôn sang, Jơnum min mơnuih ƀôn sang ƀôn prong Hồ Chí Minh, Jơnum min djop djuai ania mơnuih mơnam ƀôn prong Hồ Chí Minh pơphun Ngă lơphet bơni Grŭp hyu mă bruă kơtưn hăng gum hrom djru pơgang, pơgăn klin ruă Covid-19 ƀơi ƀôn prong. Amăng mông ngă lơphet, khua ƀôn prong Hồ Chí Minh ƀơk Hră bơni kơ 55 grŭp hăng miđai ƀôn prong Hồ Chí Minh kơ 119 čô mơnuih yua kơ hmâo bôh than prong amăng bruă mă, gum hrom djru pơgang, pơgăn klin Covid-19 ƀơi ƀôn prong. Amăng mông ngă lơphet bơni, khua ƀôn prong Hồ Chí Minh ăt brơi thâo mơn, Jơnum Ping gah lok 4 hmâo lu bôh yôm phăn, amăng anun hmâo bôh yôm pơgang, pơgăn klin Covid-19 hăng hơkrŭ glăi tơlơi bơwih ƀong amăng rơnuk phrâo. Ƀơi anăp, Ding jum kơđi čar črâo ba Kơnuk kơna, Grŭp črâo ba mơng lŏn ia hăng hơdôm tơring čar, ƀôn prong khom đing nao, gum hrom, hơkrŭ tañ tơlơi hơdôm rơbâo čô mơnuih ƀôn sang mă bruă pơphun glăi mă pô pơ̆ plơi pla. Hrom hăng bruă djru mơnuih ƀôn sang mă bruă hmâo tơlơi kiăng glăi plơi pơhlôm, pơhlôm hơdôm bruă pơgang, pơgăn klin, khom pơphun tŏng ten bruă ba mơnuih mă bruă mơng hơdôm anih anom pô dô̆ pơwot glăi anih mă bruă./.

Siu H’ Prăk: Pô pơblang