VOV4.Jarai - Ƀơi mông jơnum “Ană plơi tơña - Ƀon prong lăi pơthâo” pơphun mơmot lơ 13/9, ơi Lê Hòa Bình, Kơ-iăng khua Jơnum min mơnuih ƀon sang ƀon prong Hồ Chí Minh brơi thâo shiper mơng ƀon prong amra dưi jao gơnam pơ djŏp kuâ̆n mơng lơ 16/9. Ƀơi mông tơña, hơmâo lu tơlơi tơña kơ Kơ-iăng khua Jơnum min mơnuih ƀon sang ƀon prong Hồ Chí Minh kơ bruă phru ƀiă bruă guang dar, kŏm nao rai...Lăi glăi tơlơi tơña mơng mơnuih ƀon sang, ơi Lê Hoà Bình brơi thâo: ƀon prong Hồ Chí Minh hơmâo rơwang pơkă mơng lơ 16 truh lơ 30/9 či ngă lăng hlâo bruă phru ƀiă pơčlah mơnuih mơnam ƀơi 3 anih hơmâo pơsit dưi laih pơgang klin, anun lĕ kuâ̆n 7, tơring glông Củ Chi hăng tơring glông Cần Giờ. Lơ̆m plơi prong ăt glăk brơi pơčlah mơnuih mơnam mơn, hơdôm bruă nao rai mơng mơnuih ƀon sang amra hơmâo krăp lăng hăng măi mok, thâo rơđah bruă tlâ̆o vaccine, bruă pơčrang kman, anih nao rai.

Siu H’Mai: Pơblang