VOV4.Jarai - “Ƀôn prong Hồ Chí Minh phrâo pơphun khut khăy hơdôm hơdră pơgang klin, laih dong ƀôn prong ăt kơtưn hyu pơtô pơblang, pơsur mơnuih ƀon sang gum djru tơdruă lơ̆m pơgang klin kheng”. Anai lĕ tơlơi rơkâo mơng Kơ-iăng khua dêh čar ta ơi Vũ Đức Đam, Khua khul git gai dêh čar amăng pơgang klin Covid-19 amăng jơnum lăng nao rai mơng ataih hăng Khua mua ƀôn prong Hồ Chí Minh tlam lơ 14/7 ƀơi Ƀirô Kơnuk kơna. Truh ră anai, ƀôn prong hơmâo djru brơi rơbêh 130 rơbâo čô mơnuih mă bruă, hăng giăm 9 rơbâo čô mơnuih hyu sĭ vĕ số, dưm dưm 57% tui mrô pơkă. Đa hơmâo kuận, tơring glông truh 90% djru brơi sang anŏ tơnap tap, ƀing mơnuih hyu sĭ mơdrô gơnam tam. Kơ-iăng khua dêh čar ta pơtă pơtăn ƀôn prong Hồ Chí Minh tŏ tui đing nao ƀing mơnuih tơnap tap, biă mă ñu lĕ hơdôm anih dŏ hơdip hơmâo lu mơnuih ƀun rin, amăng hrơi blan pơčlah  hrŏm hăng bruă djru gơnam ƀong huă, neh met wa ăt kiăng djru brơi tơlơi hơdip kiăng kơ plai ƀiă tơnap tap amăng hơdôm hrơi pơčlah mơnuih mơnam.

Siu Đoan: Pơblang