VOV4.Jarai -  Mơguah lơ 30/9, Kơ-iăng Khua Jơnum min mơnuih ƀôn sang ƀôn prong Hồ Chí Minh Lê Hoà Bình hmâo lăi pơthâo Tơlơi pơtrun kơ wai lăng, pơplih pơkra dong hơdôm bruă pơgang, pơgăn klin Covid-19 hăng amăng ƀrư̆ hơkrŭ glăi, pơđĭ kyar bơwih ƀong – mơnuih mơnam ƀơi ƀôn prong Hồ Chí Minh.

Tui hăng tơlơi pơtrun, mơnuih ƀôn sang lom rô nao rai mă yua mrô QR mơng VNEID hăng Ytế Hồ Chí Minh hmâo pơdah gru tlâ̆o vaccine pơgang klin; tơdah ƀu hmâo QR, lăi pơthâo hră pơ-ar kah hăng: F0 hmâo suaih ruă yŭ kơ 180 hrơi; Hmâo tlâ̆o pơgang ƀiă biă mă ñu 1 ară hăng djuai vaccine tlâ̆o 2 ară hăng ƀiă biă mă ñu 14 hrơi tơdơi kơ tlâ̆o giong tui tơlơi rơkâo. Ngă tui tơpă 5 mơta bruă pơgang klin, lom ƀuh pơtuk, pơ-iă drơi, tơnap suă jua...) ƀudah kiăng pơjrao tañ, lăi pơthâo mơtăm hăng mrô telephone kiăng ječ mơng Grŭp bŏng glăi tañ Covid-19 ƀơi anih pô dô̆ ƀudah Iâu tui mrô 115. Biă ñu, mơnuih ƀôn sang ƀu rŏng nao rai kơplah wah hơdôm bôh tơring čar, ƀôn prong pơkon; tơdah kiăng ječ khom nao rai lĕ khom ngă tui tơlơi pơkă./.

Siu H’ Prăk: Pô pơblang