VOV4.Jarai - Amăng mông jơnum lăng nao mơng ataih mơng Khua apăn bruă Khul git gai dêh čar amăng pơgang klin Covid-19 hăng khua mua ƀôn prong Hồ Chí Minh, Kơ-iăng khua dêh čar ta ơi Vũ Đức Đam, Khua Khul git gai lăi pơtong: Ƀôn prong Hồ Chí Minh kiăng kơ ngă tui djơ̆ hrơi mông pơčlah mơnuih mơnam tui tơlơi črâo trun mrô 16 mơng Khua dêh čar hăng pran jua dŏ pơpă hơđong ƀơi anun kiăng kơ amuñ pơgang hĭ klin. Pơhiăp amăng mông jơnum, ơi Nguyễn Thanh Phong, Khua Jơnum min mơnuih ƀon sang tơring čar ƀôn prong Hồ Chí Minh brơi thâo: ră anai ƀôn prong glăk ječ ameč prap lui hơdôm hơdră pơčlah mơnuih mơnam amăng 15 hrơi, pơphun mơng 12 mông mlăm mơguah lơ 9/7 kiăng pơhlôm brơi tơlơi hơdip kơ mơnuih ƀon sang, huăi ngă gun găn hăng tơnap tap. Đĭ pơhiăp amăng mông jơnum, Kơ-iăng Khua dêh čar ta ơi Vũ Đức Đam rơkâo: Pơčlah mơnuih mơnam kiăng kơ djơ̆ hăng tơlơi pơsit kjăp hloh, hluai tui hơdôm hrơi pơčlah tui tơlơi črâo trun mrô 16 mơng Khua dêh čar kiăng kơ pơgang hĭ klin.

Siu Đoan: Pơblang