VOV4.Jarai - Mơguah lơ 15/11, Gơnong bruă sĭ mơdrô ƀôn prong Hồ Chí Minh pok phun jơlan hơdră pơsur sĭ mơdrô đing nao Shopping Season 2021 hăng anăn ñu “Lar hyu jua blơi yua, bơkơtưn blơi prăp” kiăng pơsur bruă blơi yua amăng lŏn ia, tô nao rai mrô gơnam hăng gơnam kiăng yua, djru anom bơwih ƀong hơkrŭ glăi bruă bơwih ƀong huă pơkra gơnam tam, sĭ mơdrô amăng rơwang hơđong phrâo.

Ƀôn prong Hồ Chí Minh pok phun jơlan hơdră pơsur sĭ mơdrô Shopping Season 2021

Hmâo 586 bôh anom hmư̆ hing đăo gơnang gum hrom jơlan hơdră pơsur sĭ mơdrô đing nao Shopping Season 2021, hăng rơnoh hrŏ trun nua mơng 30-70%, amăng anun hmâo lu djuai gơnam: anun lĕ gơnam ƀong huă, ia phong ia klôñ, băn ao, gơnam điện tử... Pơphun mơng lơ 15/11 truh lơ 31/12, tơlơi jơnum ăt ngă pơhư̆č mơn tơlơi ƀuh ƀô̆ mơng hơdôm gơnam amăng ƀôn prong, hơdôm anih anom blơi sĭ điện tử. Kơnong kơ Jơnum ngui sang čơ pơsur pơphun mơng lơ 21/11 truh lơ 21/12 ƀơi Sang pơplông bơkơjăp drơi jăn Phú Thọ hăng 450 anih pơdă gơnam ƀong huă, gơnam mơñum, sĭ gơnam ƀong mơñum, pơdơi pơdă, čuă ngui, pơdah băn ao, điện tử...

Siu H’ Prăk: Pô pơblang