VOV4.Jarai - Ƀơi anăp kơ tơlơi tơnap tap mơng klin Covid-19, kiăng kơ pok pơhai klă bruă djru brơi ƀing mơnuih tơnap tap amăng ƀôn prong, Jơnum min mơnuih ƀon sang ƀôn prong Hồ Chí Minh rơkâo djop anom bruă pok pơhai akŏ bruă gum djru brơi gơnam tam. Tui anun, rơkâo Anom bruă tŭ mă gơnam hăng kah pha gơnam amăng ƀôn prong prap lui 1 klăk anung gơnam djru (djru brơi hơdôm gơnam yua rĭm hrơi). Jơnum min mơnuih ƀon sang hơdôm kuận, tơring glông hăng plơi prong Thủ Đức pơphun pel ĕp, djru brơi mơnuih mă bruă, ƀing čơđai sang hră, ƀing mơnuih mă bruă tơkai tơngan ƀơi hơdôm anih tơnap tap, pơphun djru gơnam tam kiăng kơ mơnuih ƀon sang ƀơi hơdôm kual anai hơđong pran jua amăng hrơi blan ƀôn prong glăk pơčlah mơnuih mơnam. Hrơi mông pok pơhai bruă anai lĕ amăng blan 8 hăng 9 thun 2021. Ƀôn prong ăt rơkâo djop anih pơphun kiăng kơ mơnuih ƀon sang tañ tlâ̆o vaccine.

Siu Đoan: Poblang