VOV4.Jarai - Anom bruă git gai pơgang klin Covid-19 ƀon prong Hồ Chí Minh brơi thâo ƀon prong glăk prăp lui tơlơi pơčrâo trun phrâo đah mơng djơ̆ lăp hăng tơlơi hơmâo sit nik mơng ƀon prong. Hlâo kơ anun, lơ 24/9, Khua jơnum min mơnuih ƀon sang ƀon prong Hồ Chí Minh ơi Phan Văn Mãi kĭ hră mrô 3165 rơkâo Khua dêh čar brơi ƀon prong hơmâo tơlơi pơkă phara amăng mông anai, lăp djơ̆ hloh hăng ƀon prong. Him lăng tơlơi pơčrâo trun anai amra pơtrun hăng dưi mă yua mơng lơ 1/10.

Ƀon prong HCM ăt aka ƀu hơmâo hơdră sit nik ruh hĭ pơnăng pơgăn ƀơi hơdôm anih găn mơnuih nao rai amăng ƀon prong

Abih bang tơlơi prăp lui amra kiăo tui tơlơi pơtô ba mơng Ding jum ia jrao. Rơngiao kơ anun dong, ƀon prong Hồ Chí Minh ăt rơkâo kiăng lăng ba, brơi vaccine hlâo kơ ƀon prong hăng kual bơwih ƀong prong kual Dơnung, đah mơng tañ hơmâo kual rơnuk rơnua. Kơ bruă nao rai ƀơi jơlan, Gơnong bruă wai lăng jơla nao rai aka ƀu hơmâo hơdră ngă bruă sit nik pơphun nao rai amăng lăm ƀon prong hăng nao rai pơ kual pơkŏn ôh, kah hăng mơng hơdôm boh tơring čar pơkŏn nao pơ ƀon prong Hồ Chí Minh hăng pơkơđai glăi.

Siu H’Mai: Pơblang