VOV4.Jarai- Ruă bơbrah kơsô| le\ sa amăng hơdôm tơlơi ruă amăng jơlan suă jua juăt [uh lu laih, laih anun hơmâo mrô djai bru\ lu biă mă [ơi [ing c\ơđai gah yu\ 5 thun, biă mă `u le\ c\ơđai yu\ kơ 2 thun hăng 2 blan.

Tơlơi ruă hơmâo na nao amăng rin thun, samơ\ juăt [uh lu lơm ayuh hyiăng pơplih, adai rơ-ot, hơjan lu, anih do\ hơ[ak jrak…

Amăng bơyan hơjan hlim, [ơi Sang pơjrao Muai Đức Tâm, plơi prong Buôn Ma Thuột, rơbêh ha mơkrah mrô c\ơđai đih pơ sang ia jrao yua ruă bơbrah kơsô|, lu biă mă le\ c\ơđai gah yu\ 3 thun.

Ơi ia jrao Lê Văn Minh, Khoa Anom pơphun kơc\ăo bruă – wai lăng ano\ klă, Sang pơjrao Muai Đức Tâm brơi thâo: Ră anai, am^ ama [ing c\ơđai lêng gleng nao tơlơi suaih pral kơ ană bă, yua anun lơm [uh c\ơđai pơplih phara amăng drơi jăn, hmao tlôn dong tah ba nao pơ sang ia jrao.

Anai le\ bruă ngă hiam yơh, kiăng bơni biă mă, yua dah ruă bơbrah kơsô| le\ tơlơi ruă khă mơng juăt [uh laih, samơ\ tơdah ta đăo lăng [u djơ\, rong pơjrao mă pơ sang, amra ba truh tơlơi sat [u thâo hlâo ôh.

Ơi ia jrao Hoàng Ngọc Anh Tuấn, Khoa Anih Pơjrao jec\ kơ [ing c\ơđai hăng ană nge, Sang ia jrao prong kual C|ư\ Siăng brơi thâo, ruă bơbrah kơsô| bơdjơ\ nao lu biă hăng ayuh hyiăng laih anun anih anom ta do\.

Tơlơi ruă juăt hơmâo lu lơm adai rơ-ot laih anun hơjan lu tui hăng ră anai. Yua dah hrơi mông anai, adai djrưh kơtang, tơdah am^ ama [u ngă pơđao kơ [ing c\ơđai, biă mă `u le\ c\ơđai yu\ 2 thun, amra amu` biă hơmâo tơlơi ruă anai.

Rơngiao kơ anun dong, tơdah anih do\ hơ[ak jrak, [udah hrip mă lu asăp hot djup, c\ơđai ăt amu` ruă mơn. Ră anai, tơlơi ruă anai pơsit kah hăng sa amăng hơdôm tơhnal ba truh tơlơi djai bru\ hloh [ơi [ing c\ơđai gah yu\ 5 thun.

Nam ruă juăt [uh le\ pơ-iă drơi, pơtuk, suă pran hmar, kơdol adung, suă pran gruk gruk, [u mơhao huă asơi ia, lui mem…

Khă hnun, hơdôm nam ruă anai amra ngă am^ ama [ing c\ơđai tơwol hăng tơlơi ruă pơko\n kah hăng hơngơt, hơmâo gơnam đom amăng rơkong đok, ruă hơtai boh…

Ơi ia jrao Hoàng Ngọc Anh Tuấn brơi thâo, c\i pơsit c\ơđai ruă bơbrah kơsô| hă [u\, am^ ama krăp lăng c\ơđai suă jua hiưm pă. Ơi ia jrao Hoàng Ngọc Anh Tuấn pơtă hlâo:

‘’Suă jua hmar le\ tơhnal juăt [uh hloh mơng tơlơi ruă anai. Am^ ama c\ơđai kiăng ju\ lăng mrô cơđai suă jua lơm `u pit.

Rim wơ\t hrip hăng bluh angin le\ sa wơt. Hăng c\ơđai yu\ 2 blan, suă jua mơng 60 wơt/ mơnit le\ hmar yơh anun;

C|ơđai mơng 2 blan truh 12 blan, suă jua mơng 50 wơt/mơnit le\ hmar; C|ơđai mơng 12 blan truh 60 blan, suă jua 40 wơ\t/ mơnit le\ hmar.

Lơm c\ơđai pit hơđong mơ\ am^ ama ju\ yap hrup tui anun, jing ta pơmin ană ta hơmâo tơlơi ruă bơbrah kơsô| yơh.

Tui hăng ơi ia jrao Hoàng Ngọc Anh Tuấn, ruă bơbrah kơsô| amu` ruă lok nao lok rai, rơngiao mơng yua kơ ayuh hyiăng ngă, ăt yua am^ ama kơ[ah tơlơi pơmin mơn.

Lu am^ ama [ing c\ơđai lơm [uh ană duăm uh, pơtuk, hơdrap juăt nao blơi mă ia jrao mơ\ aka [u thâo rơđah ôh ruă hơget, lơm lăng [u plai ôh, jai ruă kơtang tui dong kah mơng nao pơ sang ia jrao. Ơi Hoàng Ngọc Anh Tuấn brơi thâo:

Hơmâo lu laih sang ano\ rong pơjrao mă pơ sang đôc\, lăng c\ơđai plai [iă le\ jing pơmin gơ\ suaih yơh, yua anun lui hlao mơ`um jrao, [udah mơ`um [u djơ\ mrô jrao pơkă ôh. Tơlơi anai amu` biă ngă tơlơi ruă anai hơmâo glăi dong.

C|i pơgang tơlơi ruă kơsô| kơ [ing c\ơđai, [ing ơi ia jrao pơtă kơ am^ ama [ing c\ơđai kho\m krăp lăng tơlơi pơplih ayuh hyiăng, ngă pơđao drơi jăn kơ [ing c\ơđai lơ\m adai rơ-ot, adai djrưh kơtang, brơi c\ơđai [ong mơ`um gơnam [ăt jơman, kiăng dưi pơgang glăi tơlơi ruă;

tlâ|o jrao văcxin djơ\ mrô hăng djơ\ hrơi pơkă; brơi ană mem ia tơsâo am^ amăng 6 blan phrâo tơkeng laih anun pơhrăm brơi ană [ong djơ\ lăp.

Biă mă `u, lơm [uh c\ơđai duam, lui mem, [ong aset, kho\m kiăng ba nao pơ sang ia jrao c\i khăm lăng, anăm rong blơi mă ia jrao ôh.

Lơ\m yua ia jrao kho\m kiăo tui tơlơi pơtă mơng ơi ia jrao, kiăng tơlơi ruă huăi lok glăi dong, yua c\ơđai ruă bơbrah kơsô| lu wơ\t amra ngă [u ai buai, kaih prong laih anun bơdjơ\ nao tơlơi rơgơi.

Siu H’Mai: Pô c\ih hăng pôr