Pơđing hmư̆ tơlơi pơgôp hiăp ƀơi mông jơnum tơña hăng lăi glăi, Kơ-iăng Khua dêh čar ơi Lê Thành Long đĭ pơhiăp hăng pơsit hrơi blan laih rơgao, anom bruă ia jrao hơmâo lu tơlơi gir run laih mơ̆n, dưi ba glăi boh tơhnal tŭ yua yom amăng bruă mă wai pơgang tơlơi suaih pral mơnuih ƀôn sang, biă mă ñu pơhlôm pơgang klin kheng.

Khă tui anun, ăt dŏ ƀu ƀiă ôh tơlơi kơƀah, aka ƀu pơsir kah hăng: Tơlơi kơƀah ia jrao, kơƀah gơnam yua gah ia jrao; kaih pơsir hơdôm kơčăo bruă. Kơ-iăng khua dêh čar brơi thâo, kơnuk kơna đing nao biă mă hăng pơsir khut khăt laih anun pơčrâo bruă kơ Ding jum ia jrao, djop sang bruă, tơring čar pơdjơ̆ nao brơi ngă sa amăng plĕ, pơtrut tui bruă mă wai pơgang tơlơi suaih pral kơ mơnuih ƀôn sang.