VOV4.Jarai - Lơ 29/12, ƀơi Hà Nội, Anom bruă wai lăng tơlơi sĭ mơdrô hăng pơkra gơnam mơng măi mok Việt Nam pơphun ngă lơphet pơpŭ anăn “Đah kơmơi Việt Nam bơwih ƀong rơgơi - Cup Bơnga hồng Mah”. Nao pơhmư̆ mông ngă lơphet hơmâo Khua apăn bruă Ping gah, Khua anom bruă iâu pơthưr mơnuih ƀon sang Dêh čar yă Bùi Thị Minh Hoài; Kơ-iăng khua mir sir yă Võ Thị Ánh Xuân.

Ƀing đah kơmơi bơwih ƀong rơgơi hơmâo mă Cup Bơnga hồng kơñĭ.

Anăn pơpŭ “Đah kơmơi Việt Nam bơwih ƀong rơgơi - Cup Bơnga hồng Mah” hơmâo brơi kơ 60 čô đah kơmơi rơgơi bruă bơwih ƀong amăng thun anai, đah mơng pơpŭ bơni kơ ƀing đah kơmơi rơgơi mơbruă, gir run, ĕp mă pô hơdră ngă bruă, dưi găn rơgao tơlơi tơnap, tơlơi lông lăng, pơđĭ kyar hơđong kơjăp. Mơng anun hơmâo lu tơlơi gum djru prong kơ bruă pơđĭ kyar bơwih ƀong huă - mơnuih mơnam mơng lŏn ia ta amăng hrơi mông glăk hơmâo klin Covid-19 hăng tơlơi truh lŏn adai ngă yua ayuh hyiăng pơplih răm ƀăm.

Siu H’Mai: Pơblang