VOV4.Jarai - Lơ 25/11, Khul khua apăn bruă git gai Ping gah tơring Dak Lăk pơphun Jơnum pơđut Pri Tơlơi pơhing akŏ pơdong Ping gah tơring čar Dak Lăk tal 3, thun 2021 hăng Pơphun pơplông mă pri Tơlơi pơhing akŏ pơdong Ping gah Dak Lăk tal 4, thun 2022. Tơdơi kơ rơbêh 8 blan pơphun ngă, Grup pơphun bruă pơplông hơmâo mă giăm 130 tơlơi pơhing gah 4 mơta glông pôr: hră pơhing in, hră pơhing điện tử, pơdah rup, pôr pơhiăp. Lu tơlơi pơhing hơmâo pơkra yôm biă, hơmâo hyu hơduah tơña, lăi nao djơ̆ bruă akŏ pơdong ping gah mơng tơring čar Dak Lăk.

Ƀing pơphun pơplông brơi hră bơni kơ ƀing hơmâo pri

Grup pơphun pơplông hơmâo brơi 2 pri A, 3 pri B, 5 pri C, 9 pri pơpŭ, pơsur pran jua kơ ƀing čih tơlơi pơhing; ruah mă 17 tơlơi pơhing ba pơplông Pri Búa liềm vàng tal 6, thun 2021. Ƀơi mông ngă lơphet, khua mua Ping gah tơring čar Dak Lăk hơmâo pơphun Pri tơlơi pơhing akŏ pơdong Ping gah tal 4, thun 2022, laih dong kiăng hơdôm anom bruă lăi pơthâo rơđah djŏp mơta tơlơi pơkôl pơkă, djru ba ƀing apăn bruă, khua mua, mơnuih ping gah, mơnuih ƀon sang, mơnuih čih hră pơhing rơguăt bruă ƀuda aka ƀu rơguăt bruă gum ngă hrŏm, pơplông tom...

Siu H’Mai: Pơblang