Akô̆ pơjing grŭp mă bruă djru pơ ala glăi răm rai mơ̆ng tơlơi rơmô brung djai ha amăng plĕ
Thứ tư, 09:54, 21/08/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Čơtlăm lơ 20/8, Jơnum min mơnuih ƀôn sang tơring čar Lâm Đồng mă yua tơlơi pơsit pơjing grŭp djru pơ ala glăi anô̆ răm rai yua kơ rơmô brung ruă čroh kian hăng djai ha amăng plĕ tơdơi kơ klâ̆o vaccine NAVET-LPVAC pơgang bơbrah klĭ khil khul mơ̆ng Sang bruă Navetco.
Kiăo tui anun, Grŭp djru pơ ala glăi anô̆ răm rai yua kơ rơmô brung ruă čroh kian hăng djai ha amăng plĕ yua kơ klâ̆o vaccine pơgang bơbrah klĭ khil khul ƀơi tơring čar Lâm Đồng hmâo 12 čô mơnuih.
Grŭp hmâo bruă gơgrong pel ĕp glăi, yap glăi, jŭ yap, pơjing bruă pơ ala glăi, djru pơsir răm rai hăng gum hrŏm hăng Sang bruă pơkra jrao hlô mơnong dêh čar ta Navetco pok pơhai ngă tui bruă pơ ala glăi, djru pơsir răm rai ƀơi rơmô ruă tơdơi kơ klâ̆o vaccine NAVET-LPVAC ƀơi tơring čar Lâm Đồng tui djơ̆ tơlơi pơkă tơlơi phiăn. Yap truh ră anai, tơring čar Lâm Đồng hmâo rơbêh kơ 6.400 drơi rơmô ruă čroh kian, amăng anun hmâo 348 drơi djai tơdơi kơ klâ̆o vaccine pơgang bơbrah klĭ khil khul mơ̆ng Sang bruă Navetco./.
Viết bình luận