Đơ đam hmua pla boh mơkai thun 2024 ƀơi tơring glông Chư Prông giăm 300 ektar ƀơi hơdôm boh să Ia Piơr, Ia Lâu hăng Ia Mơr, mơnuih nao pla mơng hơdôm boh tơring čar Bình Định, Phú Yên, Quảng Ngãi ngă hmua apah. Truh ră anai, hơdôm boh sang anŏ pơhrui giăm 150 ektar, đang hmua dŏ glăi pla tơdơi kiăng sĭ amăng bơyan ƀong tết.

Yua ayuh hyiăng pơplih sat, hơjan lu ngă kơ lu đang hmua pla mơkai bơbrŭ, ngă răm rai. Ră anai, nua boh mơkai trun kơtang ngă mơnuih ngă hmua bưp tơnap tap. Lu mơnuih tơdơi kơ tuh pơ alin hơdôm rơtuh prăk mơ̆ rơngiă abih hăng đôm hnưh arăng. Đa hơmâo mơnuih lui ruh, mrô dŏ glăi gir pĕ pơhrui kiăng kơ tla prăk yua lŏn.