Tui Gơnong bruă đang hmua hăng pơđĭ kyar ƀôn lan tơring čar Dak Lak, thun anai hmâo ƀơi 233 bôh sang anô̆, 120 bôn plơi, 43 bôh să mơ̆ng 10 bôh tơring glông, ngă djai hăng čuh prai rơbêh kơ 2.700 drơi hăng abih bang mrô ñu giăm truh 140 tơn.

Kiăng wai lăng tơlơi klin ruă, Khua Jơnum min mơnuih ƀôn sang tơring čar Dak Lak phrâo hmâo Kông điêng rơkâo Jơnum min mơnuih ƀôn sang hơdôm bôh tơring glông, plơi prong hăng gơnong bruă, anom bruă bơdjơ̆ nao pok pơhai khut khăt, ha amăng plĕ bruă pơgang pơgăn klin ngă pơtah čroh ƀơi un. Biă ñu, Gơnong bruă đang hmua hăng pơđĭ kyar ƀôn lan, lăng tui tơlơi klin ngă, gơgrong hlâo črâo ba, pok pơhai hơdôm bruă pơhlôm añăm ƀong hlâo, amăng hăng tơdơi kơ Tết tui phiăn juăt Ất Tỵ - 2025./.