Ơi A Hà, Kơ-iăng Khua jơnum min mơnuih ƀôn sang să Đak Plô, tơring glông Đak Glei, tơring čar Kon Tum brơi thâo, anih ƀă klin ƀơi rơmô, kơbao rông prưh lui ƀơi tơdron kiă kơbao Đak Đơ, plơi Bung Kong. Amăng 10 hrơi laih rơgao ƀơi tơdrŏn kiă kơbao anai, hơmâo 4 drơi kơbao hăng 8 drơi rơmô djơ̆ klin aka ƀu thâo yua kman hơgĕt ôh ngă. Rơngiao kơ anun, hơmâo 110 drơi kơbao, rơmô ƀă klin pơ-ai laih. Tui hăng Sang bruă bơwih brơi bruă ngă hmua, rông hlô mơnong tơring glông Đak Glei lăi, sit mơ̆n, rơmô, kơbao pơ anai djai yua kman klin ngă kơđông drah.

Tơdron kiă kơbao ƀơi Đak Đơ ră anai hơmâo abih bang 300 drơi rơmô kơbao mơ̆ng 88 boh sang anŏ mơnuih ƀôn sang plơi Bung Kong, să Đak Plô, tơring glông Đak Glei pô rông. Ƀơi anăp kơ tơlơi rơmô, kơbao rông prưh lui anai djai lu, sang bruă bơwih brơi bruă hmua hăng rông hlô mơnong tơring glông Đak Glei rơkâo mă yua hlâo 80 lit ia jrao, 500 kg tơpung čur kô̆, 20 per sum ao hrôm pơgang drơi jăn hyu mă bruă pơhlôm klin laih anun ia jrao pioh pơjrao rơmô, kơbao hlăk djơ̆ klin.