Dak Lak ba sĭ gơnam đang hmua, kyâo pơtâo, akan hơdang pơ tač rơngiao rơbêh 2,3 klai đôlar Mi
Thứ năm, 10:56, 15/10/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Amăng 9 blan rơgao, rơnoh sĭ mơdrô gơnam đang hmua, kyâo pơtâo, akan hơdang pơ tač rơngiao mơng tơring čar Dak Lak truh rơbêh 2,3 klai đôlar Mi, đĭ rơbêh 6% pơhmu tui tơđar thun hlâo.
Amăng hơdôm gơnam ba sĭ mơdrô phun, kơphê tŏ tui ba jơlan hlâo hăng rơnoh ba sĭ giăm 900 klăk đôlar Mi. Boh troh ăt lĕ gơnam ba glăi pơhrui lu biă mă, hăng rơnoh pơhrui giăm 557 klăk đôlar Mi; amăng anun lu hloh lĕ boh sầu riêng.
Kiăng tŏ tui rơnoh pơđĭ kyar anai hăng rơgao hơnong pơkă rơbêh 3 klai đôlar Mi, Dak Lak amra tŏ tui djru brơi mơnuih ngă hmua hăng anom bruă sĭ mơdrô pok prong anih sĭ gơnam, hrưn đĭ klă logistics, pơtrut kơtang bruă pơkra gơnam, mơng anun đĭ tui nua hăng pran bơkơtưn mơng gơnam đang hmua, akan hơdang ƀơi ƀon lan.
Viết bình luận