Hăng bruă tơsă tañ ƀiă hơdôm boh tơring čar kual kơdư, boh ƀro pla ƀơi Dak Lak glăk sĭ hơmâo nua, rơbêh 30.000 sa kĭ sĭ amăng đang hlao, ngă mơnuih pla hok mơ-ak biă mă. Đơ đam tơring čar Dak Lak ră anai hơmâo giăm 2.600 ektar đang pla boh ƀro, amăng anun giăm 1.400 ektar glăk amăng thun blan pĕ pơhrui, hơmâo pla lu hloh ƀơi hơdôm boh tơring glông Ea Kar, M’Drak, Krông Pač hăng Krông Năng. Pĕ pơhrui amăng bơyan thun 2022-2023 him lăng 14.000 tơ̆n.

Ră anai hơdôm đang pla boh ƀro (pơjeh Lục Ngạn-Bắc Giang) ƀơi Dak Lak glăk pĕ pơhrui hăng sĭ boh tal I dưm dưm 32.000-35.000 prăk sa kĭ, tal II ăt rơbêh 25.000 prăk sa kĭ. Anai lĕ rơnoh đĭ hloh lơm nua lu gơnam boh troh ƀơi Dak Lak anun lĕ boh pơ-ŏ, boh kruăi kam, boh tơmun mơkai…glăk trun. Rơngiao kơ bruă đĭ nua, thun anai boh ƀro ăt dưi pĕ pơhrui mơng 12-15 tơ̆n sa ektar.