Ƀơi mông jơnum, ƀing pơ ala kơ sang bruă sĭ mơdrô gah sầu riêng hơmâo kah pơpha tơlơi pơhing pla pơjing, sĭ mơdrô, hyu blơi boh sầu riêng ƀơi hơdôm tơring čar pơ dơnung dêh čar bơyan pĕ boh sầu riêng thun 2023, tơlơi hrăm kơ tơring čar Dak Lak, hơdôm tơlơi găn rơgao pơđĭ kyar amăng bruă sĭ mơdrô boh sầu riêng mơ̆ng hơdôm dêh čar sĭ mơdrô gơnam đang hmua, tơlơi pơkă bruă pơkra ming djă pioh, pơgang lui tơdơi kơ pĕ, hơdôm tơlơi gêh găl tơnap tap amăng bruă ngă hmua pla pơjing pioh ba nao sĭ mơdrô pơ dêh čar tač rơngiao.

Lu anom bruă ngă ƀong hrŏm, grup ngă ƀong hrŏm kah pơpha tơlơi pơhing pla pơjing, sĭ mơdrô, wai lăng amăng bruă mă laih anun hơdôm tơlơi tơnap tap amăng bruă pok pơhai ngă tui amăng kual pla boh sầu riêng. Ƀơi mông jơnum anai, Khul sĭ mơdrô boh sầu riêng tơring čar Dak Lak hơmâo kĭ pơkôl hăng anom bruă pơđĭ kyar bruă ngă hmua bơwih ƀong huă, kông ty pơčruh ngăn boh thâo ia rơgơi phrâo gah măi komputer Autoagri hăng lăi pơthâo plang tơlơi pơhing internet mơ̆ng Khul ngă hrŏm sĭ mơdrô boh sầu riêng amăng anih ĕp lăng anăn Hiephoisauriengdaklak.org.vn kiăng pơtruh nao rai hăng ding kơna amăng Khul