Anai lĕ tơring glông tal 2 amăng tơring čar Dak Lak tơdơi kơ tơring glông Krông Pač hơmâo jao hră pơsit anăn apăn grup sĭ mơdrô sầu riêng. Boh sầu riêng Cư Mgar hơmâo anom bruă boh thâo ia rơgơi - Ding jum boh thâo ia rơgơi jao hră pơsit anăn apăn grup sĭ mơdrô “Sầu riêng Cư Mgar” lơ 10/7/2023. Hră pơsit anai dưi mă yua amăng 10 thun dong mơng hrơi jao.

Anai lĕ hră pơ-ar kiăng tơring glông Cư Mgar tŏ tui pơđĭ kyar anăn apăn sĭ mơdrô hăng hrưn đĭ rơnoh yôm mơng sầu riêng. Tơring glông Cư Mgar hơmâo rơbêh 4.100 ektar sầu riêng. Đang hmua glăk pĕ pơhrui 1.000 ektar, him lăng pĕ pơhrui giăm 20.000 tơ̆n. Truh ră anai, tơring glông Cư Mgar hơmâo 13 anom bơwih ƀong sĭ mơdrô pơlir hơbit, črâo brơi boh thâo pla pơjing, pĕ pơhrui hăng hơdôm anom bơwih ƀong hrŏm hăng hơmâo hră pơ-ar 37 mrô kual pla sầu riêng hăng rơbêh 830 ektar.