Hơmâo dơ̆ng 14 mơta gơnam dưi pơtong glăi lăp djơ̆ 4 asar pơtŭ, pơđĭ tui mrô gơnam hơmâo anăn OCOP mơ̆ng tơring čar Dak Lak lĕ truh 254 mơta. 14 mơta gơnam pơkă djơ̆ tơhnal 4 asar pơtŭ anai kah hăng : Socola asar boh makka, Tơpung kakao along mơ̆ng kông ty Nam Trường Sơn, tơring glông Krông Ana; gơnam asar boh makka ngă čơđang kơđuh amuñ mă ƀong, asar boh makka along, asar boh makka mơnâo sầu riêng, boh sầu riêng pơhang krô sơ̆l mơ̆ng Kông ty Makka Dak Lak, plơi prong Ƀuôn Hô; gơnam ƀong yến chưng, hruh čim ačăng črah mơ̆ng Kông ty Thành Dung tơring glông Krông Pač hăng gơnam sĭ mơdrô sầu riêng DONA pơđăm rơ-ot pioh lui sui hrơi mơ̆ng Anom ngă ƀong hrŏm bruă hmua hơdjă rơgoh Krông Pač.

Jơnum min mơnuih ƀôn sang tơring čar Dak Lak brơi thâo, hơdră OCOP hlăk jai hrơi pơhưč lu mơnuih ngă hmua, anom bruă sĭ mơdrô, anom ngă ƀong hrŏm djru hrŏm, kiăng pơjing pran jua pơtrut bơwih ƀong huă amăng kual plơi pla pơđĭ kyar kơtang hloh, djru pơđĭ tui rơnoh yôm gơnam sĭ mơdrô mơ̆ng phara ba kual, laih anun pơđĭ tui rơnoh pơhrui glăi mơ̆ng mơnuih ngă hmua.