Dak Lak hơmâo rơbêh 700 boh anom bruă ngă ƀong hrŏm
Thứ sáu, 06:17, 22/09/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Jơnum min mơnuih ƀôn sang tơring čar Dak Lak jơnum pơbut 3 thun ngă tui akŏ bruă pơđĭ kyar bơwih ƀong huă lu khul ngă hrŏm, juăt lăi ngă ƀong hrŏm HTX mơ̆ng thun 2021-2025 hăng Hơdră ngă hrŏm mơ̆ng Jơnum min mơnuih ƀôn sang tơring čar ngă tui hră klah čun mơ̆ng Ding jum kơđi čar, pơblih phrâo, pơđĭ kyar hăng pơđĭ boh tŭ yua khul ngă ƀong hrŏm.
Yap truh blan 9/2023, amăng tơring čar Dak Lak hơmâo 746 boh sang bruă ngă ƀong hrŏm, 5 khul pơlir hơbit hăng 403 boh grup ngă ƀong hrŏm. Keh prăk ngă ƀong hrŏm tơring čar Dak Lak brơi 32 boh anom bruă čan 19 klai prăk; Keh prăk djru pơsir bruă mă hlăk brơi 8 grup sang bruă ngă ƀong hrŏm čan rơbêh 1 klai prăk.
Ơi Nguyễn Thiên Văn, Kơ-iăng Khua Jơnum min mơnuih ƀôn sang tơring čar Dak Lak lăi pơtong, hơdôm thun rơgao tơlơi bơwih ƀong hrŏm ƀơi Dak Lak hơmâo đĭ tui lu hăng mă bruă ba glăi boh tŭ yua mơ̆n, djru hrŏm prong biă mă amăng bruă pơblih pơjeh djuai phun pla, hlô mơnong rông, pơđĭ tui rơnoh ngă bruă sĭ mơdrô, pơkra ming gơnam tam, djru pơblih ƀô̆ mơta kual plơi pla hiam rô̆ tui.
Viết bình luận